ბევრი ოცნებობს, საკუთარი ვიდეო გახადოს ყველაზე რეიტინგული, ყველაზე პოპულარული, ყველაზე “გადამდები” ანუ ვირუსული. Euro RSCG-ის სტრატეგი მიტია ვოსკრესნი გირჩევთ:

1. კრეატივი ვირუსულ ვიდეოებში ეს არის კლასიკური და ციფრული (digital) აზროვნების შეჯახება. ერთი კრეატიული მხარე აპიარებს ბრენდსა და მის რეპუტაციას, მეორე კი ცდილობს, ნებისმიერი ხერხით მოიზიდოს მნახველები და აყურებინოს ვიდეო. თუმცა, ხშირად ხდება, რომ ვითომ ვიდეოები ან მხოლოდ ბრენდს აპიარებენ სწორად და ყოველგვარი ვირუსულობის გარეშე, ან ხდებიან მხოლოდ პოპულარულები და მათში რაიმე აქცენტი არ არის გაკეთებული. პირადად მე ვერ გადავწყვიტე, რომელი უფრო მნიშვნელოვანია.

2. არსებობს მითი, რომ ვირუსული ვიდეოს ხანგრძლივობა არ უნდა აჭარბებდეს ერთ წუთს. ზოგიერთი ვიდეოს ქრონომეტრაჟი იმხელაა, თამამად შეიძლება, ეწოდოს სიუჟეტი. ასე რომ, ვირუსული ვიდეოს ხანგრძლივობა დამოკიდებულია რეჟისორსა და სცენარისტზე და მათს უნარზე, რაც შეიძლება, დიდი ხნით “დაიჭირონ” მაყურებელი.

3. ვიდეოს ვირუსულობის ეფექტის მისაღწევად აუცილებელია კარგად გაწერილი სცენარი, რომ თავიდანვე ნათელი იყოს, რაზე კეთდება აქცენტი. სამწუხაროდ, ბევრი ვირუსული ვიდეოს დაგეგმვისას შემოიფარგლებიან ზოგადი აღწერილობით, რომ იქ იქნება მხიარულება და ბევრი ფერები და სულაც არ აკონკრეტებენ, კერძოდ რა იქნება ის უნიკალური “წვეთი”, რომელიც გამოიწვევს ვიდეოს ვირუსულობას.

4. სცენარზე მუშაობისას თავიდანვე უნდა გქონდეთ პასუხი კითხვებზე “რატომ გამორთავენ?” და “რატომ გაუზიარებენ?”. ამათგან პირველის ჯერი ვიდეოს დაწყებისას მოდის, მეორისა – დასრულებისას. ცნობილია, რომ ადამიანებს ყველაზე კარგად ვიდეოს დასაწყისი და დასასრული ამახსოვრდებათ. ასევე დასრულების შემდეგ იღებენ გადაწყვეტილებას, გაუზიარონ იგი სხვას თუ არა. სწორედ ამიტომაა მნიშვნელოვანი თავსა და ბოლოში დასმული აქცენტები.

ახლა კი გთავაზობთ ვიდეოების ტიპებს, ე.წ. “რეცეპტებს”, რომელთაგან ყველა ბრენდის სხვადასხვა ტიპს შეესაბამება. თითოეულ ქვეთავში გიჩვენებთ ორ, იდეურად იდენტურ ვიდეოს. განსხვავება თავად ნახეთ.

1. “კატუნები”

ყველას გვინახავს საყვარელი და ფაფუკი შინაური ცხოველების ვიდეოები YouTube-ზე. ვიდეოს ავტორთა უმრავლესობას არ ყოფნის კრეატიულობა იმისთვის, რომ საყვარელი ცხოველის ვიდეოში რომელიმე ბრენდი გამოაჭენოს და ამით ვიდეოს პოპულარობა გაზარდოს.

2. ადამიანთა უცნაური შესაძლებლობები

საკმაოდ მარტივი მაგალითია: ადამიანი ხტება ჯინსის შარვლით, სვამს კოკა-კოლის ბოთლიდან თუ უნიტაზში ყოფს თავს, ყველაფერ ამის უკან შეიძლება, იდგეს ბრენდი, რომელსაც ეს ადამიანი ვითომ და თავისდაუნებურად გაუკეთებდა პიარს და, შესაბამისად, ვიდეოც ვირუსული გახდებოდა.

3. სელებრითი

მოიწვიეთ ნებისმიერი ცნობილი სახე და სთხოვეთ, რაიმე (თუნდაც სისულელე) გაუკეთოს პროდუქტს – გაამართლებს.

4. ჯაჭვი

ასეთი ტიპის ვიდეოებს შორის Honda-ს რეკლამის შემდეგ უკეთესი და ძვირადღირებული რეკლამა არ გადაღებულა. თვითონ კომპანიამ კი მასში 6 მილიონი დახარჯა. თუმცა, არ გირჩევთ მსგავსი ვიდეოს გადაღებას, რადგან თქვენი იდეა თქვენივე გადასახდელი იქნება.

5. ბავშვები

“კატუნებისგან” განსხვავებით, ბავშვები გაცილებით უფრო ამართლებს. თუ კრეატიულობა არ გყოფნით, საკმარისია, ბავშებს რაიმე “უფროსული” მოძრაობა გააკეთებინოთ.

6. ინტერნეტ-მემი

ეს უკვე განსხვავდება რეკლამირების არსებული ხერხებისგან, თანაც ყველა პროდუქტს, შეიძლება, არ მოერგოს. თუმცა ისეთი გმირების გამოყენება, როგორიც დარტ ვედერია, ბევრი პლუსისი მომტანია.

ვირუსული მემი ამართლებს ბილბორდებშიც. მთავარია, ახლდეს ბრენდის აღმნიშვნელი რაიმე სიმბოლო. მაგალითად, ასე:

ვირუსული ბილბორდი უცენზურო ლექსიკონსაც იტანს. მთავარი მაინც შედეგია.

7. სპორტული ტრიუკები

ვირუსული ვიდეოების ეს სახეობა ერთ-ერთი ყველაზე ადვილად გამოყენებადი და საინტერესოა, მით უმეტეს, თუკი საქმე ექსტრიმთან ასოცირებულ ბრენდებთან გვაქვს. ასეთ ვიდეოებში ბრენდის ელემენტის შეტანაც ადვილია.

ამ სტილის ვიდეოებში სამაგალითოა Red Bull და DC Shoes. ისინი კარგად უღებენ ალღოს ექსტრიმს და, მიუხედავად მათს ვიდეოებში სცენარისტული ხაზის არარსებობისა, მაინც პოპულარულ რგოლებს ქმნიან.

8. გინება რეკლამაში

ზოგჯერ, როდესაც იღებენ ერთ ვიდეოს, იქვე აკეთებენ მის საინტერნეტო ვარიანს, რომელშიც მთავარი გმირი იგინება. ხშირად, ძალიან უწმაწურადაც. მიიჩნევა, რომ ეს უფრო ზრდის ინტერესს ბრენდის მიმართ. მე კი გირჩევთ, რომ ასეთი ვიდეოები არ გადაიღოთ, ვინაიდან ისინი ბრენდის იმიჯზე ცუდად აისახება.

წყარო: advertolog.ru