პიარსკოლაში სწავლა იწყება

კურსის დაწყების დღე: 28 აპრილი, 2014; 19:00

კურსის დამთავრების დღე: 26 ივლისი, 2014; 15:00

კურსის ჩატარების ადგილი: ქართულ-ამერიკული უნივერსიტეტი, (GAU) მერაბ ალექსიძის №8

კურსის ხანგრძლივობა: 3 თვე

სალექციო დღეები: 

ორშაბათი, ოთხშაბათი, პარასკევი – 19:00 – 22:00
სამშაბათი, ხუთშაბათი – 19:00 – 22:00; შაბათი – 12:00 – 15:00

სასწავლო პროგრამა ორიენტირებულია კურსდამთავრებულთათვის საკომუნიკაციო პროექტების განხორციელებასა და პრაქტიკული უნარ–ჩვევების გამომუშავებაზე PR/კომუნიკაციის მენეჯმენტში.

ამ კურსის გავლის შედეგად სტუდენტებს ექნებათ პიარის თეორიისა და ტექნოლოგიების შესახებ ის აუცილებელი ინფორმაცია, რომელიც მათ შესაძლებლობას მისცემს, თავადვე ჩამოაყალიბონ პიარ–სამსახური, განსაზღვრონ და წარმატებით განახორციელონ პიარ–სამსახურის ფუნქციები.

კურსის მიზანია, თბილისის პიარ სკოლის სტუდენტებისათვის პიარის, როგორც ინტეგრირებული მარკეტინგული კომუნიკაციების სისტემის მნიშვნელოვანი ნაწილის, საფუძვლების სწავლება; თანამედროვე პიარ–კომუნიკაციების ინსტრუმენტებისა და ტექნოლოგიების გაცნობა და ყველა იმ საჭირო ცოდნისა და პრაქტიკული რეკომენდაციების მიღება, რომელიც დაეხმარებათ მათ პიარ–მენეჯერის ფუნქციების წარმატებით შესრულებაში.

სალექციო კურსები შემუშავებულია და წარმოდგენილია პრაქტიკოსი, პროფესიონალი, წარმატებული ლექტორების გუნდით. სალექციო მასალა შემუშავებულია დასავლური სტანდარტების შესაბამის სასწავლო პროგრამებზე დაყრდნობით.

პიარ სკოლის ფორმულაა “ცოდნა+გამოცდილება”,
20% – თეორია, 80% – პრაქტიკული მეცადინეობა.

პროგრამის ფარგლებში შეისწავლება უკვე 11 საგანი:
• ეფექტური კომუნიკაციები
• მარკეტინგი
• მარკეტინგული კვლევები
• საზოგადოებასთან ურთიერთობა და კომუნიკაციის პროცესი
• პიარი
• სოციალური მედია
• ბრენდინგი
• ივენთმენეჯმენტი
• მედიამენეჯმენტი
• BTL
• საკომუნიკაციო გეგმის შემუშავება

დამატებითი უპირატესობა:
– პროგრამის 3 საუკეთესო სტუდენტი მიიღებს ყველა ლექტორის მიერ ხელმოწერილ სარეკომენდაციო წერილს, რომელიც მათ სამსახურის დაწყების დამატებით შესაძლებლობას მისცემს.

სწავლების ფორმა:
– ლექციები
– პრაქტიკული მეცადინეობა
– პრეზენტაციები

შეფასების ფორმა:
– ინდივიდუალური ტესტი
– ჯგუფური პრეზენტაცია

კურსის ღირებულება:
-1100 ლარი
– 3-ეტაპიანი გადახდის პრინციპი

კურსის გავლის მსურველთა რეგისტრაცია მიმდინარეობს ვებ-გვერდზე არსებული სააპლიკაციო ფორმის შევსებით.

http://www.prschool.ge/geo/applicationform.php

კურსის დასრულების შემდეგ გაიცემა გაუ თბილისი პიარსკოლის სერტიფიცირებული დიპლომი.

დამატებითი ინფორმაციის მისაღებად დაუკავშირდით პიარ სკოლის მენეჯერს თინათინ სამყურაშვილს.
საკონტაქტო ტელეფონი: 2 55 01 99; 98 83 44; 5 55 65 67 05
ელექტრონული ფოსტა: prschool.ge@gmail.com; tiko@gepra.ge

www.prschool.ge
http://www.facebook.com/prschool

რომელი ქვეყანა უფრო აბინძურებს ჰაერს?

ნახშირორჟანგის ანუ კარბონის დიოქსიდის ჭარბი კონცენტრაცია ჰაერში ეს უკვე მსოფლიო ტკივილია. სიმართლე გითხრათ, დიდი არაფერი გაკეთებულა ამის შესაჩერებლად, გარდა გაუთავებელი საპროტესტო აქციებისა, სამიტებისა და ხელშეკრულებებისა. არა და ამ დროს ჭარბი ნახშირორჟანგი პირდაპირ კავშირშია გლობალურ დათბობასთან, რამეთუ მისი დიდი კონცენტრაცია ჰაერში დედამიწის ტემპერატურას მაღლა წევს და ყინულიც უფო მალე და დიდი რაოდენობით დნება. თქვენს წინაშეა ინფოგრაფიკა, რომელზეც გამოსახულია ქვეყნები იმ პროცენტული შეფარდებით, რა როლიც მათ ჰაერის დაბინძურებაში მიუძღვით. ინგლისურად იგი ითარგმნება, როგორც Carbon footprint, რის გამოც ვიზუალს ფეხისგულის ფორმა აქვს.

BReaking BAd-ის მსხვერპლთა სია

“მძიმე დანაშაული” ანუ ინგლისურად Breaking Bad, ჩვენი თაობის ერთ-ერთი ყველაზე მაგარი სერიალია, რომელმაც 5 სეზონი მოიცვა და გასულ წელს დასრულდა. სერიალების მოყვარულებმა IMDB-ზე იგი 9,6 ქულით შეაფასეს, რაც ერთ-ერთი უმაღლესი მაჩვენებელია. ვისაც არ გინახავთ ეს სოციალურ თემაზე აგებული სერიალი, აუცილებლად გირჩევთ. ახლა კი ერთი პატარა სპოილერი: ამ სერიალში უამრავი ადამიანი კვდება. უფრო სწორედ, კლავენ. ჰოდა ინტერნეტ მომხმარებლებმაც არ დაიზარეს და ეს მსხვერპლი დაითვალეს. შედეგს ინფოგრაფიკაში ნახავთ 😉

ვინ უყვარს ხატიას და როგორ ელაპარაკება მას?!

ის ფუმფულაა…  საყვარელი, თბილი….  ვიღაცისთვის ლამაზი, ვიღაცისთვის არა!

ის არც გოგოა და არც ბიჭი! მას ეფერები და თვითონაც… მას შეგიძლია დიდხანს უყურო და თვალი არ მოაშორო.  ყურებით შეგიძლია გათბე…

დაგაბნიეთ?! არადა ასეც მქონდა განსაზღვრული!

სუპერ სარეკლამო ვიდეო რგოლები, რომლებიც წლიდან წლამდე აოცებენ პუბლიკას…

წელს, სრულიად ამერიკა ტრადიციულად გაგიჟდა. ახლახანს გაიმართა  ამერიკული ფეხბურთის საფინალო თამაში – Super Bowl 2014.

ყველაზე გავრცელებული და მოთხოვნადი სათამაშო, რომელიც ავითარებს გონებას

რუბიკის კუბის აწყობის სიჩქარე, ვინ არიან სპიდკუბერები  და  ვინაა ჯესიკა ფრიდრიხი?

პირველი საერთაშორისო ჩემპიონატი რუბიკის კუბის აწყობაში ჩატარდა 1982 წელს უნგრეთის დედაქალაქ ბუდაპეშტში. მას შემდეგ, რუბიკის კუბის აწყობის სიჩქარის გამოსავლენად მრავალი ჩემპიონატი გაიმართა და დღემდე ტრადიციას არ ღალატობს. ადამიანებს, რომლებიც მისდევენ რუბიკის კუბის სწრაფ აწყობას, სპიდკუბერებს უწოდებენ. ხოლო თავად სწრაფ აწყობას – სპიდკუბინგს (speedcubing).

სახურავის ბინადარი კარლსონის ცხოვრებისეული ფილოსოფია….

ყველაზე  სიმპატიური, ზომიერად მოსუქებული და ძალღონით აღსავსე, ტანადი მოწიფული მამაკაცის ცოვრებისეული ფილოსოფია…

ყურადღება! დღეს მე ცხვირზე მომავალი ვატარე

დიდი გუგლის მოღვაწეობა ინოვაციურ ტექნოლოგიებში მხოლოდ ქვის ხანის ადამიანებმა თუ არ იციან (თუმცა, გუგლი დროის მანქანას რომ გამოიგონებს, მაგასაც გამოასწორებს), კომპანიის ათასი და ერთი წამოწყებიდან ზოგი წარმატებული იყო, ზოგიც – არა, მაგრამ ზოგადი კონსენსუსი ვერ გაექცევა იმ ფაქტს, რომ ინტერნეტში რაიმეს მოძიება ან ელექტრონული ფოსტის შემოწმება რომ გვინდა – ხშირ შემთხვევაში დასახმარებლად მორბის სწორედ Google.

კომპანია ბოლო წლებია დიდ ტალღებს იწვევს მისი საინტერესო „მომავლის“ სათვალით – მოწყობილობით, სახელწოდებით Google Glass. გარკვეული პერიოდია, პროტოტიპი უკვე ხელში უვარდებათ დეველოპერებს და სხვადასხვა სადემონსტრაციო ღონისძიებებს მსოფლიოს გარშემო, და ისე მოხდა, რომ ჩვენმა „ჯეოსელმა“ სწორედ ასეთი პატარა პრეზენტაციის ჩატარება გადაწყვიტა. ვერ მოვითმინე და მეც ჩავძვერი ამ უცხო ხილის გასასინჯად.

საპრეზენტაციო ოთახში სტენდზე მოთავსებული მოწყობილობა თითქმის არაფრით განსხვავდებოდა ჩვეულებრივი მზის სათვალისგან – სანამ არ შევამჩნიე წასქელებული მარჯვენა „მტევანი“, და პაწაწინა შუშის კუბი მარჯვენა თვალის ზემოთ, სწორედაც რომ Glass გარნიტურა. ერთ-ერთი რაც თავიდანვე გვითხრეს იყო ის, რომ Glass-ის „ბლოკი“ ძალიან ადვილად მაგრდება და იხსნება სხვადასხვაგვარი სათვალეების რამებიდან, და შედეგად მოსახმარადაც კომფორტულია.

Google Glass-ის უკანმდებარე დიდ ეკრანზე მიდიოდა მოწყობილობის პაწაწუკა დისპლეის პირდაპირი სტირმინგი, რათა დამსწრეებს ენახათ რა ხდებოდა სათვალეში პრეზენტაციისას. ბევრი კითხვების და პასუხების შემდეგ, დადგა ნანატრი hands-on მომენტიც.

რომ იკეთებ, თავისუფლად ჯდება ცხვირზე. არაფერი გიფარავს ხედვას, მაგრამ მყისვე ამჩნევ პატარა ოთხკუთხედ „სიშავეს“ ოდნავ ზემოთ და მარჯვნივ. თავის მაღლა აწევით ან მოწყობილობაზე თითის შეხებით, პატარა კვადრატი ინთება და ელოდება თქვენს ბრძანებებს. Google Glass აქტიურია!

საინტერესოა, რაოდენ მრავალმხრივი ინტერაქციის საშუალებები ჩანერგეს გუგლის გენიოსებმა. სისტემის მართვის ორი სრულფასოვანი ხერხი არსებობს – ხმოვანი ბრძანებები და ტაჩპედი, რომელიც სათვალის მარჯვენა მხარის გაყოლებაზეა, და მარტივი თითების გასმებით ახორციელებს „შუშის“ მენიუში ნავიგაციას და ოპერაციების ჩატარებას. და თუ ესეც ზედმეტად არქაულია თქვენთვის, „სქროლინგი“ შესაძლებელია თავის მარტივად ზევით ან ქვევით დახრით. ყველამ გადავწყვიტეთ დაგვეწყო პირველი მეთოდით.

კოდური ფრაზა „Ok, glass!” აუწყებს სათვალეს, რომ უკვე შემდგომი წინადადება პირდაპირი ბრძანება იქნება. მრავალი ფუნქციიდან ჩვენ ვცადეთ ფოტოების გადაღება, ვიდეოს ჩაწერა, ინტეგრაცია გუგლის სხვადასხვა სერვისებთან (შერინგი Google Plus-ზე, ვიდეოზარები Hangout-ით), და სასაცილო თამაშები რომელიც თავის მოძრაობით იმართება და პაწაწინა დისპლეიზე გასაოცრად მკვეთრად გამოიყურება. თავდაპირველი დისორიენტაცია მოსალოდნელი პრობლემა იყო, მაგრამ თვალები მალევე შეეჩვივნენ გადახტომებს „შუშიდან“ ნამდვილი სამყაროს აღქმაზე, და მყისვე გამოიკვეთა სათვალის მთელი პოტენციალიც.

ამ ყველაფრის მიუხედავად, მოწყობილიობა მაინც ჯერ მხოლოდ დეველოპერებისთვის და პრესისთვის განკუთვნილი პროტოტიპის სტადიაზეა, და ეს იკვეთება ტექნიკურ მხარეში. შედარებით მძლავრი არქიტექტურა (1.5Ghz პროცესორში, 16GB შიდა მეხსიერება და 720p ვიდეოგადაღება) ითხოვს მასიურ ენერგიას და სრულ დატვირთვაზე Google Glass სულ 2-3 საათი ძლებს. პლიუსი ისაა, რომ როგორც გუგლის პროდუქტი, ის იდეაში ჩვეულებრივ ანდროიდზე მომუშავე დივაისია – უერთდება ნებისმიერ კომპიუტერს USB-კაბელით დასატენად და კონტენტის გადასაწერად.

მაგრამ, სანამ ეს სამეცნიერო ფანტასტიკის ფილმებიდან გადმოვარდნილი მოწყობილობა კომერციულ ბაზარზე გავა, ბევრი რაიმის შეცვლა და დახვეწაა შესაძლებელი. ამ ფრონტზე ჯერ ზუსტი ინფორმაცია არ არის, მაგრამ პოტენციალი სახეზეა – პირდაპირი გაგებით, თუ გნებავთ – და სხვა არავის მსგავსი წამოწყება ჯერ ჰორიზონტზე არ უჩანს. წარმატებას ვუსურვებ ჩვენს საყვარელ Google-ს, და დიდი მადლობა მინდა გადავუხადო „ჯეოსელს“, რომ ცხვირზე მომავალი მატარებინეს!

ჯეოსელის ახალი კონცეფციის მაღაზიები არის სიახლე საქართველოში და მისი მთავარი მიზანია კომფორტულ გარემოში ერთად მოუყაროს თავი უახლეს მობილურ ტექნოლოგიებს და ხელსაყრელ შეთავაზებებს. ამას ემატება კიდევ ერთი მნიშვნელოვანი დეტალი, რაც გულისხმობს ამ სივრცის, ერთგვარ შემეცნებით სივრცედ ქცევას, სადაც სიახლეების შესახებ ერთ-ერთი პირველები შეიტყობენ აქ მოსული სტუმრები. სიახლეები კი იქნება ძალიან მრავალფეროვანი და მოიცავს იმ სფეროებს, სადაც უახლესი ტექნოლოგიები მნიშვნელოვან, ხშირად რევოლუციურ ცვლილებებს ახდენენ. 

მოამზადა ლაზარე გვიმრაძემ

პირველი რეკლამა ფოტოშოპის გარეშე

ქალის თეთრეულის მწარმოებელმა კომპანიამ  “Aerie” უარი თქვა კომპიუტერულ ფოტოშოპზე…

ფინანსისტები აღარ ხუმრობენ….

2014 წლის კალენდარისთვის ფოტოგადაღების პროცესი არაჩვეულებრივად  დაიწყო და ასევე არაჩვეულებრივად გაგრძელდა! თუმცა კალენდრის შექმნის იდეის დაბადება საკმაოდ უჩვეულოდ და  მოულოდნელად მოხდა… უკრაინელმა ფოტოგრაფმა რუსლან ლობანოვმა ეს შეძლო! როგორც ჩნს ფინანსსისტები აღარ ხუმრობენ!